2018 жылы Байқоңырдағы апат бойынша Ресей жағы өтемақы төлеген жоқ. Бұл туралы Парламент Мәжілісінің жалпы отырысында Қазақстан Сыртқы істер министрінің орынбасары Марат Сыздықов мәлім етті.
«Осындай тиісті келісім (өтемақы туралы) бар. Ресей тарапы келтірілген шығынды төлеу секілді кепілдікті өзіне алады. Алайда тәжірибе жүзінде бұл өте ұзақ процесс екенін көріп отырмыз. Осы орайда түрлі бюрократиялық тұстары кездесіп жатыр», — деді М. Сыздықов.
Бұл тұрғыда ол 2018 жылы Байқоңырдағы апатты мысал ретінде келтірді.
«2018 жылы болған апат бойынша материалдық өтемақы әлі де төленбеді», — деді министрдің орынбасары.
ҚазАқпарат