
Мажар жастары Будапештте қазақтың ұлы ақыны, философы Абайдың лирикалық әндерін шырқады. Бұл туралы Мажарстандағы ҚР Елшілігіне сілтеме жасап ҚазАқпарат хабарлайды. Будапешт қаласында қазақтың ұлы ақын Абайдың 174-жылдығына орай шара өткізілді. Іс-шара барысында қазақ диаспорасының өкілдері мен мажар студенттері Абайдың тақпақтарын, қара сөздерін оқып, өлеңдерін айтты. Соның ішінде мажар жастары шырқаған «Көзімнің қарасы», «Желсіз түнде» әндері әсерлі шықты.
https://www.facebook.com/Kazembhun/videos/1089016331488308/
«12 тамызда Будапешт қаласында, қазақ халқының ұлы ақыны, философы, ағартушысы және қоғам қайраткері Абайдың 174-жылдығына орай Мажарстандағы ҚР Елшілігі Абай ескерткішіне гүл шоғын қою рәсімін өткізді. Іс-шараға Елшіліктің қызметкерлері және олардың жанұя мүшелері, қазақ диаспорасының өкілдері мен студенттер, сондай-ақ қазақ тілін оқитын және қазақ мәдениетімен қызығатын мажар студенттер қатысты», делінген елшіліктің Facebook-тегі парақшасында.
https://www.facebook.com/Kazembhun/videos/2342339452516827/