Мәскеуде терезеден құлаған қазақ қызы көз жұмды

03 мамыр 2018, 13:24

МГИМО терезесінен құлап кеткен қазақстандық студент Томирис Байсафа Мәскеу ауруханасында қайтыс болды.

Биыл сәуірде қыз бала МГИМО аудиториясындағы терезеден құлап кеткен еді. «4:00-де ол қайтыс болды», — деді басылымға Склифосовский ғылыми зерттеу орталығының өкілдері. Сәуірде тергеушілер студент қыздың МГИМО ғимаратының терезесінен құлап кеткеннен кейін, іс қозғаған. Тергеу мәліметінше, қыз бала 1997 жылғы. Құлағаннан кейін оны дереу ауруханаға жеткізген. Бұл оқиға 13 сәуірде болған. 21 жастағы Томирис Байсафа МГИМО төртінші курс студенті. Ол үзіліс кезінде төртінші қабаттағы терезеден құлап кетті. Оның көптеген жері сынған еді.

tengrinews.kz