jasqazaq.kz

Масканы тек иегіне тағып алатындарға айыппұл салынады

07 шiлде 2020, 10:18

Елімізде медициналық масканы тек иегіне іліп алатындарға қазір айыппұл салынуы мүмкін. 5 шілдеден бастап полиция мұны қатаң қадағалайды. Бұл талапқа бизнес өкілдері қатаң қарап отыр.

Мысалы, дүкендерде сатып алушылар масканы дұрыс тақпай жүре береді. Мұндай абайсыздық үшін кім жауап береді? Бұл туралы 31 арна хабарлайды.

Сатушы Елена Маринич талаптарды қатаң сақтайды. Шымкенттегі кішігірім дүкен күн сайын 100 адамға қызмет көрсетеді. Жеке тұлғалар мен заңды тұлғаларға қойылған талап сатушылардың наразылығын тудырды.

«Мен бұлай жасау дұрыс емес деп ойлаймын. Адамдарға сөзбен айту керек. Айыппұл салып, ақша алған дұрыс емес», — деді Елена Маринич.

Бұл талапты бұзған жеке тұлғаларға 30 АЕК — 83340 теңге, шағын бизнеске 230 АЕК — 638 940 теңге, орта бизнес — 310 АЕК — 861180 теңге, ірі бизнес өкілдеріне 1600 АЕК — 4444800 теңге айыппұл салынады.

Егер сатып алушы дүкенге маскамен кіріп, тауарды алу барысында маскасын шешіп тастаса, кім жауапты болмақ? Бұған тауарлар мен көрсетілетін қызметтердің сапасы мен қауіпсіздігін бақылау басқармасы жауап берді.

«Бұндай заң бұзушылыққа жол берген адамды өз қарамағына кіргізгені үшін кәсіпкерлік тарап та, маскасыз жүрген екінші тарап та жауапты болады. Екі жақта жауап береді», — деді тауарлар мен көрсетілетін қызметтердің сапасы мен қауіпсіздігін бақылау басқармасы басшысының орынбасары Алмат Қосалиев.

Қазақстандағы кәсіпкерлер құқығын қорғау жөніндегі уәкіл Рустам Жүрсінов сатып алушылардың тәртіп бұзғаны үшін кәсіпкерлер жауап беруге тиісті емес деген ойын айтты.

«Кәсіпкер мен жеке тұлғаның әрекетін ажыратып алу керек. Дүкенде кезекте тұрған адамның маскасын иегіне тағып алғаны үшін немесе еден жуып жүріп қолғабын шешіп тастаған қызметкер үшін кәсіпкер жауап беруге міндеттелмеу керек. Әркім өз әрекеті үшін өзі жауап берсін», — деп жазды Рустам Жүрсінов.

Қандай талап қойылмаса да бұл ауру жұқтырмауды алдын алу үшін қолға алынып жатқан шаралар. Карантин мерзімінің ұзартылу-ұзартылмауы да азаматтардың талаптарды қалай сақтағаны байланысты болып тұр.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия