Мас жүргізуші қарт адамды басып кетті (видео)

Алматыда жантүршігерлік жол апаты болды. Жаяу жүргіншінің аяғы жұлынып қалған. Алматы қалалық ПД баспасөз қызметінің мәліметінше, оқиға 5 наурыз таңғы сағат 7 лер шамасында Алмалы ауданында тіркелген.

«Форд Транзит автокөлігінің жүргізушісі Мақатаев көшесімен батыс бағытта Чайковский көшесінің қиылысында аялдамаға соғылып, әрмен қарай 61 жастағы әйелді де қоса басып өтіп, жол шетінде тұрған Toyota Camry көлігіне соғылып, арыққа түсіп кеткен. Жаяу жүргінші ауыр жарақат алып, шұғыл ауруханаға жеткізілді. Жол апатынан басқа ешкім зардап шеккен жоқ», деп хабарлады баспасөз қызметі.

Аталған факті бойынша ҚР ҚК 345-бабы 2-бөлігі бойынша қылмыс негізінде сотқа дейінгі тергеу басталды. Тиісті сараптама тағайындалды. Жүргізуші ұсталып, уақытша ұстау изоляторына қамалды.

Дереккөзі: zakon.kz