Мас күйінде көлікке отырған азамат 5 жылға сотталды

Қарағандыда мас күйінде көлік тізгіндеп, елді шулатқан Серікбол Сәрсенов 5 жылға бас бостандығынан айырылды, деп хабарлайды «Хабар 24».

Сот 6 айға созылды. Диірменнің қожайыны сол күні тойдан шыққанын әрі мас болғанын мойындаған. Еске салсақ, оқиға былтыр қазан айында болған еді. Онда мас жүргізуші аулада тұрған бес көлікті қағып, соның салдарынан бір бойжеткен опат болған еді.

Саян Аққожин, судья:

– Мас күйінде рөлге отырып, полиция қызметкерлерінен қашуы оның жазасын ауырлата түсті. Мұның салдары апаттың болуына әкеліп отыр. Сот осы жайттарды және марқұмның туыстарының өтінішін ескере отырып, аталған бап бойынша ең жоғарғы жаза тағайындады.