jasqazaq.kz

Марат Файзиев: Ұлымның жолдама алуы – күтпеген жаңалық

09 тамыз 2016, 1:15

 57a8acce0a3d7

Дидар Хамза Рио Олимпиадасына ең соңғы болып жолдама алды. Жасы 19- да. Дүбірлі додаға 10 күн қалғанда жарысқа қатысатыны белгілі болған. Алғашқы қарсыласы Гамбиялық балуанды екі юкомен жеңген спортшымыз, екінші айналымда әзірбайжандық Рустам Оружовтан ұтылып қалды. Жарыстан кейін әкесі әрі жеке бапкері Марат Файзиевпен сұхбаттасқан едік.

— Марат аға, Дидар гамбиялық қарсыласын тезірек, яғни уақытынан бұрын жеңуіне мүмкіндігі бар еді. Өзі біраз күш жұмсап алған секілді емес пе?

— Олимпиадаға жолдама алу да және одан әрменгісі де үлкен жауапкершілік. Ал, қатысуға келген кез-келген балуан жоғары дайындықпен келетіні белгілі. Қарсыластың осалы болмайды. Алғашқы белдесу кімге де болсын, оңай соқпайды. Сондықтан осындай нәтиже көрсетті.

Снимок

— Одан кейін, яғни бірнеше белдесулерден кейін қайтадан екінші кезеңге әзірбайжандық Рустам Оружовпен шықты. Осы белдесу қалай өтті?

— 2016 жылдың ақпан айында Германияда күрескен болатын. Сол кездегі ойында, үшінші белдесуінде таза жеңіске ұтылып қалған болатын. Ойынның 20-шы секундтында-ақ жеңіліп қалған. Ал, қазір сол балуанмен қайтадан кездесті. Бұл жолғы ойынында тек бір ғана ескертумен жеңіліп отыр. Ұлым, бар күшін салып бақты. Төрт белдесуден кейін шыққаннан болу керек, күшін жоғалтып алды.

— Дидардың осы Олимпиадаға қатысатындығы 10 күн қалғанда ғана белгілі болды. Канадалық спортшы допинг қолданып, Дидардың Олимпиадаға қатысу мүмкіндігіне ие болды. Жалпы, дайындығы қалай болды?

3

— Дидар жыл басынан бері оқу-жаттығу жиындарына, түрлі жарыстарға қатысқан болатын. Ал, қанша дегенмен, Олимпиадаға жолдама алып, дайындалу ол бір басқа. Ұлымның жолдама алғаны – күтпеген жаңалық болды.

— Рио Олимпиадасына шақырту алған кезде қандай сезімде болдыңыздар?

-Бұл шыны керек, Алланың тосын сыйы болды деуге болады. Себебі біз соңғы оқу-жаттығуларды аяқтап, қатысушыларға ақ жол тілей қоштасқан болатынбыз. Ауылға қайтып, демалысқа шықтық. Демалыс біткен соң, қайта келіп, жаттығуларды жалғастырамыз деп тарқастық. Біздің, солай, ауылға келген бетіміз сол еді, Федерациядан Дидардың Олимпиадаға қатысатыны туралы хабар келді. Әрине, бәріміз бірден қуана кеттік, тіпті бастапқы уақытта сенбедік те. 22 қатысушы жолдама алған. Онымен қоса 13 адам квота алып қойған. Дидардың қатысуы мүмкін емес деп отырмын. Канадалық балуан допинг қолданғанын білгеннен кейін және 23-ші кезекті Дидардың тұрғандығы бар, қысқасы, біз сонда барып сендік. Ал, ол кездегі қуанышты сөзбен айтып жеткізе алмаймын.

2

— Енді, бұйыртса 4 жылдан кейін, Токио Олимпиадасынан үлкен үміт күтуге болады ғой?

— Алла бұйыртса солай деп отырмыз. Әрі, 23 жасқа келеді екен. Ол нағыз шыңдала түскен уақыты болар еді. Алдағы уақытта бұйыртса әлі талай бәйгелерде топ жарып, еліміздің туын көкке желбіретеді деп ойлаймын. 

Ермек Нұрмаханұлы

Риодан Арнайы «Жас қазақ» үшін

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда