Маңғыстаулық инспектор мен Шымкенттік полицейлер төбелесіп қалған

13 тамыз 2018, 13:54

Маңғыстау облысының учаскелік инспекторы Шымкент қалалық ІІД қызметкерлерімен төбелескен. Бұл туралы ҚР ІІМ ресми өкілі Алмас Сәдубаев мәлімдеді.

ІІМ өкілінің хабарлауынша, Шымкентте 12 тамызда жол ережесін бұзғаны үшін Маңғыстау облысы жергілікті полиция қызметінің инспекторы жүргізген көлік тоқтатылған. «Жүргізуші мен оның жолаушысы — Түркістан облысы жергілікті полиция қызметінің қызметкерлері мас күйде Шымкент қаласы ІІД Өзіндік қауіпсіздік басқармасының инспекторына физикалық күш көрсетіп, қарсыласқан», — дейді Сәдубаев. Қазір ҚР ҚК-нің 380-бабы 1-бөлігі («Құқық қорғау органы, арнаулы мемлекеттік орган қызметкерінің, әскери қызметшінің өміріне қолсұғушылық») бойынша сотқа дейінгі тергеу жүріп жатыр.

Tengrinews.kz