Маңғыстау облысында әйел пойызда босанып қалды

Маңғыстау облысында Бейнеу ауылынан Ақтаудағы перинаталдық орталыққа бара жатқан әйел қазанның екісіне қараған түні пойызда босанып қалды.

Келіншекті сол пойызда келе жатқан апалы-сіңлі әйелдер босандырып алған, бұл туралы пойыздың жолсеріктері айтты.

Тұрсынай Айтжанованың толғағы басталғанда пойыз бригадирі Пернегүл Жалғасова мен жолсерік Мұратбай Тұрманов пойыздан дәрігер іздей бастайды. Дәрігер табылып, әйелді Бейнеуден келе жатқан апалы-сіңілі Сәлима мен Бағила Дүйсенқызы босандырып алады.

Бала екінші қазан күні сағат 2:30-да дүниеге келеді. Жедел жәрдем бригадасы Тұрсынай Айтжанованы Шетпе станциясында күтіп алып, Маңғыстау аудандық орталық ауруханасының перзентхана бөліміне алып кеткен.

stan.kz