jasqazaq.kz

Мамандандырылған ХҚКО-лар жүргізуші куәліктерін заңсыз беріп келген

02 қараша 2021, 11:07

Қостанай және Ақмола облыстарында Мамандандырылған халыққа қызмет көрсету орталықтарының қызметкерлері жол қозғалысы ережелерінің теориялық емтихандарын бұрмалап өткізіп келген. Бұл туралы ҚР Сыбайлас жемқорлыққа қарсы іс-қимыл агентігінің баспасөз қызметінен мәлім етті, деп хабарлайды ҚазАқпарат.

«Жүргізуші куәлігінен үмітті азаматтардың орнына емтиханды арнайы дайындалған тұлғалар тапсырып отырған. Мысалы, Ақмола облысында арнайы дайындалған адамдар емтихан компьютерлеріне қашықтан қол жеткізіп, бөгде азамттардың орнына дұрыс жауабын белгілеп отырған. Ал Қостанай облысында арнайы дайындалған адамдар медициналық маска мен бас киімнің көмегімен бет әлпетін тұмшалау арқылы өзге азаматтардың орнына кіріп келген. Тергеу барысында 1 мыңнан астам жүргізуші куәлігін заңсыз беру фактілері тексеріліп, емтиханнан сәтті өткені туралы берілген жалған анықтамалар қайтарылды», — деп жазады агенттіктің баспасөз қызметі.

Агенттік өкілдерінің айтуынша, осындай жалған құжат арқылы жүргізуші куәлігін алған қостанайлық азамат наурыз айында жол ережесін өрескел бұзып, «Toyota Самrу» автокөлігімен соқтығысқан.

«Тергеу мәліметі бойынша, апатқа кінәлі тұрғын теориялық және практикалық емтихан тапсырмай-ақ жүргізуші куәлігін алған. Ал бұл жолы анықталған заңсыздықтарға байланысты елдегі мамандандырылған ХҚКО-ның бәрінде тексеру жүргізіледі», — делінген ресми мәліметте.

17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр