Лондондағы Әзірбайжан елшілігіне шабуыл жасалды

Лондондағы Әзірбайжан Республикасының елшілігіне радикалды ұйым өкілдері шабуыл жасады, деп хабарлайды «Хабар24».

Ақпаратты Әзірбайжанның сыртқы істер министрлігі растап отыр. Ғимаратқа баса көктеп кіргендер діни ұрандарын айтып, ұйымның туын көтерген екен. Ақпарат көздерінің хабарлауынша, жергілікті полиция дер кезінде әрекет етіп қаскөйлерді сыртқа шығарып үлгерді. 8 адам тұтқындалды.

Елшілік қызметкерлері дін аман. Оқиғаға қатысты жауапкершілікті жергілікті радикалды ұйым өз мойнына алды.