Лондонда әзірбайжандар мен армяндар арасында жаппай төбелес болды

Әзірбайжандық басылымдар наразылық білдірген әзірбайжандарға армяндар шабуыл жасаған десе, ал армяндық БАҚ әзірбайжандар төбелесті тудырған деп мәлімдейді. Бұл туралы Stan.kz ақпарат агенттігі хабарлайды.

17 шілдеде Лондонның орталығында армяндар мен әзірбайжандар арасында қақтығыс болды. Олар Кенсингтон ауданында екі Закавказ республикасының шекарасында әскери эскалацияға байланысты акция өткізген.

Әзірбайжан мен Түркия тулары бар ондаған әзірбайжандық «Карабах», «Карабах — біздікі, ол біздікі болады», «Ұят, Армения» деген ұрандарын айтып шеруге шыққан.

Әзірбайжандық БАҚ наразылық білдірген әзірбайжандарға армяндар шабуыл жасағанын хабарлайды. Армяндық басылымдар әзірбайжандар төбелесті тудырған деп мәлімдейді.

Армян-әзірбайжан шекарасындағы жауынгерлік тосқауылдар 12 шілдеде басталып, 15 шілдеге дейін шектес аудандарда — Товузда (Әзірбайжан) және Тавушта (Армения) жалғасты. Қазір таулы Карабахта жағдай тынышталды.

Екі тараптан жараланғандар мен қаза тапқандар бар. Болған жағдай үшін жауапкершілікті екі тарап та бір-біріне жүктеп отыр.