jasqazaq.kz

Күллі елдің талқысына түскен тәрбиеші асылып өлді (Видео)

28 желтоқсан 2021, 23:58

 

Алматыда балаларға қатыгездік танытқан жекеменшік балабақшаның тәрбиешісі өзіне қол салды. Күллі елдің талқысына түскен мектепке дейінгі мекемедегі шудан кейін педагог пәтерінде асылып өлген. Марқұмның артында бес баласы қалды. Бұл туралы КТК телеарнасы хабарлады.

Салтанат Әзірбек, Алматы қалалық ПД ресми өкілі:

— Алматы қаласы ПД 1979 жылы туған Б.есімді азаматшаның өзіне қол салғанын растайды. Қазір Жетісу ауданының полиция басқармасы ҚР ҚК-нің 105-бабымен сотқа дейінгі тергеу амалдарын жүргізіп жатыр.

Оқиғаның мән-жайы анықталып жатыр. Күні кеше «Сәби-Бала» балабақшасының тәрбиешісі бүлдіршіндерге қол көтеріп, оқтаумен түрткілеп жүрген видеосы желіде желдей ескен. Жұрттың ашуын туғызған бейнекадрлерден кейін ата-аналар «балаларымыз тәрбиешіден жәбір көрді» деп, полицияға жаппай шағымданған болатын. Қылмыстық іс қозғалып, тергеу де басталған.

Әлеуметтік желіде педагогтың әрекетін сынап түрлі пікір жазғандар да көп. Халықтың сөзі сүйегінен өтіп кетті ме, көршілерінің айтуынша, жұмыстан қуылған 42 жастағы балабақша қызметкері құрбысының үйінде асылып өліпті. Марқұм Көкжиек ықшамауданында тұрған. Көршілері жайсыз хабарды естігенде есеңгіреп қалғанын жасырмады. Айтуларынша, Есік қаласынан көшіп келген отбасы бес бала тәрбиелеп отырған.

Мархаббат Мақтабекқызы:

— Жақсы, үлгілі отбасы. Отағасы жақсы. Бес баласы бар. Үлкен қызынан немересі бар. Кішкентай баласы үштен асқан. Ол кісілер екі-үш жыл болды, көшіп келгендеріне. Есік жақтан көшіп келді. Педагог, тәрбиеші деп еститінбіз. Кешегі видеоны көріп жаман күйде болдым. Кез келген адамға әсер етеді ғой. Видеодан ол кісіні танымадым. Ойламадым бұл кісі деп.

 

17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр