jasqazaq.kz

Кредит кешіру туралы ескі жаңалыққа сеніп қалған қазақстандықтар несие төлеуден бас тартып жатыр (Видео)

24 мамыр 2022, 12:32

Желіде «Қасым-Жомарт Тоқаев тұрмысы төмен отбасылардың кредиттерін өтеу туралы Жарлыққа қол қойды» деген видео тарап жатыр. Кадрларда несиеге есептелген өсімпұл да өтелетіні айтылады. Алайда бұл ескі жаңалық, — деп хабарлайды Tengrinews.kz.

TikTok-та тараған видеода 1 маусымға дейінгі жалпы қарызы 300 мың теңгеден аспайтын көпбалалы асыраушысынан айырылған отбасылар мен мүгедек бала тәрбиелеп отырған, ата-анасыз қалған 29 жасқа дейінгі жастардың банк алдындағы берешегі кешірілетіні айтылады.

«Несие алушылардың аталған төлемдерін есептен шығару ең алдымен, екінші деңгейлі банктер мен шағын қаржы ұйымдарының есебінен жүргізіледі», — дейді телеарна жүргізушісі.

Алайда TikTok-та жарияланған видео 2019 жылғы жаңалықтан алынған үзінді. Сол жылы маусымда Президент Қасым-Жомарт Тоқаев қазақстандықтардың банк алдындағы берешегіне қатысты Жарлыққа қол қойды. Ондағы мақсат — қиын жағдайға тап болған отбасыларға, көпбалалы, мүгедек балалары бар отбасылар, жалғыз асыраушысынан айырылған отбасылар, атаулы әлеуметтік көмек алатындар мен жетім балалардың қаржылық ахуалын жақсарту еді.

Үш күн бұрын жарияланған бұл фейкке сеніп қалған адамдар да жоқ емес. Клиенттер төлем жасаудан бас тартып, 1 маусымды күтетінін айтып жатыр. Ақпаратты қаржы институттары растап отыр.

Айта кетейік, кредит төлеу мерзімі өтіп кетсе, қарыз көлемі өседі. Оның салдары несие тарихының бұзылуына әкеледі.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр