Коронавирустан тағы 14 адам қайтыс болды

Ел өңірлерінде коронавирустан тағы 14 адам қайтыс болды. Бұл туралы ҚР Денсаулық сақтау министрлігіне сілтеме жасап ҚазАқпарат хабарлайды.

Ведомство мәліметіне сүйенсек, 16 желтоқсандағы бір тәулікте коронавирус инфекциясының белгілері бар пневмонияның 3 жағдайы тіркелді, 36 адам індеттен сауықты.

Жалпы, 2020 жылғы 1 тамыздан биылғы 16 желтоқсанға дейін коронавирус пневмониясына 83 619 адам шалдықты, оның ішінде жазылды – 75 847, қайтыс болды – 5 195 науқас.

Сондай-ақ министрлік дерегінде 16 желтоқсан күні коронавирустан 14 адам қайтыс болғаны көрсетілген. Жалпы, пандемия басталғалы вирус 982 475 адамнан анықталды, оның ішінде жазылып шықты 952 314 науқас, қайтыс болды – 12 917 адам.