Коронавирустан емделген екі адам жайлы не білеміз?

Коронавирустан жазылған 2 адам Алматы тұрғындары болып шықты. Бұл ақпаратты қалалық Қоғамдық денсаулық сақтау басқармасының баспасөз қызметі растады. «Коронавирустан Алматыда екі адам емделді. Олар ертең ауруханадан шығады», — деді баспасөз қызметінен. Бұған дейін, бұл індеттен Қазақстанда 2 адам жазылғанын ҚР Ақпарат және қоғамдық даму министрі Дәурен Абаев айтқан болатын. Осы уақытта Қазақстанда коронавирус жұқтырғандардың саны 88-ге жетті. Нұр-Сұлтан қаласы бойынша 46 адам, Алматы қаласында – 34 адам, Қарағанды қаласында — 2, Шымкент қаласында — 2 адам, Алматы облысында — 1 адам, Ақтөбе облысында — 1 адам, Жамбыл облысында -1 адам, Солтүстік Қазақстан облысында — 1 адам жалпы 88 науқас тіркелді.

ҚазАқпарат