Коронавирус пен пневмониядан тағы 43 адам қайтыс болды

Қазақстанда бір тәулікте коронавирус пен пневмониядан тағы 43 адам қайтыс болды.Бұл туралы Денсаулық сақтау министрлігінің баспасөз қызметіне сілтеме жасап Tengrinews.kz хабарлайды.

Денсаулық сақтау министрлігінің мәліметінше, 9 тамыздағы жағдай бойынша коронавирус инфекциясынан 25 182 адам, оның ішінде 108 бала емделіп жатыр. Стационарларда — 5 021 пациент, амбулаториялық деңгейде — 20 161 адам бар.

121 адамның жағдайы ауыр, 29 науқастікі өте ауыр, 38 — жасанды тыныс алдыру аппараттарына қосылған.

Еске салайық, 8 тамызда Қазақстанда коронавирус инфекциясын жұқтырған 872 адам анықталған. Жалпы, елде 98 701 жағдай тіркелген.