Коронавирус матрицасы: Алматы қаласы «сары» аймақта

05 шiлде 2022, 10:15

5 шілдедегі жағдай бойынша Қазақстан өңірлеріндегі эпидемиологиялық ахуалды бағалау матрицасы жарияланды. Бұл туралы ҚазАқпарат хабарлайды.

Матрицаға сәйкес Алматы қаласы «сары» аймақта. Қалған өңірлер «жасылда» тұр.

Кеше Алматы қаласы «сары» аймаққа ауысты. Денсаулық сақтау министрлігі санитарлық-эпидемиологиялық бақылау комитетінің ресми өкілі Ержан Байтанаев қазақстандықтарға үндеу жасады.

«4 шілдеден бастап Алматы қаласы «сары» аймаққа өтті. Қазіргі уақытта қаланың мемлекеттік бас санитар дәрігері қаулыны даярлау үстінде. Қаулыда барлығы жазылады. Осы орайда біз әр азаматты коронавирусқа қарсы вакцина алуға және ревакцинациядан өтуге шақырамыз», — деді Ержан Байтанаев ҚазАқпарат тілшісіне телефон арқылы.