Көпқабатты үйде жарылыс болды (видео)

Қарағандыда Гоголь көшесіндегі көпқабатты үйде жарылыс болды. Апат салдарынан бір адам қаза тапты. Бұл туралы  Tengrinews.kz хабарлайды.

Оқиға сейсенбі, 1 маусымда, жергілікті уақыт бойынша 19.57-де болды. Куәгерлер бірден құтқарушыларды шақырған. Олардың айтуынша, жарылыс газ баллонынан болуы мүмкін.

Қарағанды ​​облысы ТЖД баспасөз қызметі оқиғаға түсініктеме берді. Ведомство хабарына қарағанда, үйде газ-ауа қоспасы жарылған.

«Бес қабатты тұрғын үйдің екі бөлмелі пәтерінде газ-ауа қоспасы жарылған, бірақ ол өртке айналмады. Оқиға салдарынан үйдің тіреуіш құрылымдары зақымдалмаған, тек тек пәтердің бөлмелері зақымданған», — деді ведомство өкілдері.

Оқиға орнында құтқарушылар қаза болған адамды тапты. Оның жеке басы әлі анықталған жоқ. Оқиғадан кейін үйдің басқа пәтерлерінен 10 адам эвакуацияланған.

 

Посмотреть эту публикацию в Instagram

 

Публикация от ekaraganda.kz Караганда (@ekaraganda.kz)