
Тайванның Илон округінде көпір құлады. Апат көпір үстінен жанармай тасығыш көлік өткенде болған. Зардап шекендер бар. Бұл туралы ria.ru хабарлады.
Патрульдік қызметінің бейнебақылау жазбаларына сәйкес, көпір бойымен бензин құйылған цистерна жүріп өткен. Сол кезде мосттың астында балықшылар қайығы болған. Көп адам суға құлаған.
Оқиға орнында құтқарушылар жұмыс істеуде. Олар қайықтар мен зардап шеккендердің санын және оқиғаның себептерін анықтап жатыр. Өрт сөндірушілердің мәліметі бойынша, он адам ауруханаға жеткізілген. Олардың алтауы филиппиндік, үшеуі индонезиялық. Цистернаның жүргізушісі жергілікті тұрғын болып шықты.
Сондай-ақ екі патруль қызметкері жеңіл жарақат алған. Алты адам балық аулайтын қайыққа қамалып қалған болуы мүмкін. Іздеу жұмыстары жалғасуда.