Колумбияда кофе алқабында атыс болды

Өткен жылдан бері қылмыстық топтар арасында текетірес күрт күшейіп, жүздеген адам көз жұмған
Колумбияның Бетания аймағындағы кофе алқабының бірінде атыс болып, 8 адам қаза тапты.

Тағы 14 кісі жарақат алды. Полицияның хабарлауынша, қақтығысқа заңсыз есірткі себеп болуы мүмкін. Өйткені өңірде ұйымдасқан қылмыстық топтар арасында ықпал ету аймағы үшін қақтығыс жиі болып тұратынын айтады. Жалпы Колумбия әлемде кокаинді өндіруші басты елдердің бірі болып саналады. Салдарынан елде есірткімен байланысты өлім-жітім көп. Өткен жылдан қылмыстық топтар арасында текетірес күрт күшейіп, жүздеген адам көз жұмған.

sn.kz