Колледж студенті аңшылық шолақ мылтықпен ұсталды

14 қазан 2017, 18:07

Түркістан қаласындағы көшелердің бірінде жергілікті полиция қызметкерлері Mercedes-Benz автокөлігін тоқтатты, деп хабарлайды patrul.kz.

18 жастағы жүргізушінің құжаттарын тексеру барысында полицейлер аңшылық шолақ мылтықты анықтап, тәркілеген.Колледж студенті шолақ мылтықты Кентау қаласынан тапқанын айтты. Оқиғаның мән-жайын анықтау мақсатында күдікті қалалық ішкі істер басқармасына жеткізілді.

«Аталған жайт ҚР ҚК-нің 287 бабы «Қаруды заңсыз сақтау, тасымалдау және алып жүру» бойынша Түркістан ҚІІБ-нің СДТБР-не тіркелді. Айғақты заттар тәркіленіп, бірқатар сараптамалар тағайындалды. Қазіргі таңда сотқа дейінгі тергеу амалдары жүргізілуде», — деп мәлімдейді ОҚО ІІД Мемлекеттік тіл және ақпарат басқармасы.