Көліктің астына әдейі түсіп пайда таппақ болған (видео)

02 ақпан 2021, 13:22

Атырауда жаяу жүргінші жүріп келе жатқан көлікке қарай тұра жүгірді, деп хабарлайды zakon.kz.

Болған оқыс оқиға ғимарат сыртына орнатылған видео таспаға түсіп қалған.

Видеода қала көшелерінің бірінде ер адамның арнайы күтіп тұрып, жолдан өтіп бара жатқан көлікке қарай өзі тұра жүгіргені көрінеді. Көлік жүргізушісі шалт қимылдап, тежегішті басып үлгергенімен, бәрібір жаяу жүргіншіні қағады. Бірақ ол ауыр жарақат алмаған.

«Ақ Жайық» басылымы полицияның бұл жаяу жүргіншіні анықтағанын жазады.

Оның Құрманғазы ауданының 38 жастағы тұрғыны екендігі анықталды. Бұл факт бойынша оған қақтысты Қазақстан Республикасының Әкімшілік кодексінің 615-бабына, яғни «Жаяу жүргіншілердің жол жүру ережелерін бұзуы» бойынша хаттама толтырылып, 2 АЕК көлемінде айыппұл салынды, — дейді облыстық ПД.