Көлікпен жарыс ұйымдастырғандар ұсталды

Алматыда түнде көлігімен жарыс ұйымдастырған жүргізушілер айыппұл арқалады.

Патрульдік полиция полкінің қызметкерлері жолдарда түнгі жарыс ұйымдастырған автокөлік жүргізушілерді ұстады.

“Кеше түнде Төле би даңғылы мен Қайырбеков көшесінің қиылысында Жол ережесін өрескел бұзған төрт жүргізуші анықталды. Олар қатысты ҚР ӘҚбК-нің 597-бабы 1-бөлімі және ҚР ӘҚбК-нің 601-бабы 1-бөліміне сәйкес әкімшілік хаттамалар жасалды. Көлік құралдары арнайы айыппұл тұрағына жөнелтілді. Құқық бұзушылардың арасында 1990 жылы туған бір қыз бар. Бұл автокөлік жүргізушілері өздерін қорғай отырып, көңіл көтеру үшін жолда бұзақылық жасағандарын айтты. Сонымен қатар, олардың ешқайсысы бұл әрекеттің, біріншіден, жол пайдаланушылары үшін қауіпті екендігін ойламаған, екіншіден, жақын тұрған үйлердің тұрғындарына кедергі келтіретіндіктерін де еске алмаған”, – деді Алматы қалалық ПД Жергілікті полиция қызметі басқармасының басшысы Манап Саттаров.

Оның айтуынша, күн сайын кешке және түнде жолдың бұл учаскесін екі патрульдік нарядтар бақылайтын болады.

Ақпарат көзі: Polisia.kz