
Ақмола облысында көліктердің соқтығысуынан үш адам қаза болды және тағы екеуі зардап шекті. Бұл туралы Tengrinews.kz хабарлады.
Жол апаты 17 ақпанда Көкшетау — Омбы тасжолының Зеренді ауданындағы Қызылтаң ауылының маңында болған.
Посмотреть эту публикацию в Instagram
Полиция департаменті баспасөз қызметінің мәліметінше, Mazda 626 автокөлігінің 20 жастағы жүргізушісі Көкшетауға қарай бағыт алған. Ол көлік тізгініне ие бола алмай, жолдың қарсы бетіне шығып, Lada Largus автокөлігін соққан.
Жол апаты салдарынан екі көліктің жүргізушісі, сондай-ақ Lada Largus көлігінде отырған 41 жастағы жолаушы оқиға орнында жан тапсырған. Тағы екеуі ауруханаға жеткізілді.
Осы дерекке қатысты ҚР Қылмыстық кодексінің 345-бабы 4-бөлігі бойыншы сотқа дейінгі тергеу шаралары жүріп жатыр. Автотехникалық сараптама тағайындалған.