Киевтен қазақстандықтар мінген тағы бір автобус жолға шықты

Қазақстандықтарды Украинадан эвакуациялау жалғасып жатыр. 3 наурызда Киевтегі елшіліктен Қазақстан азаматтары мінген тағы бір автобус шықты, деп хабарлайды Zakon.kz.

Елшіліктің мәліметінше, автобуста 18 адам, оның ішінде төрт бала бар.

Жолаушылар Львов тас жолында халықаралық автобусқа ауысып, Польшаның Катовице қаласына дейін барады. Содан кейін олар Қазақстанға үшінші репатриациялық рейспен жөнелтіледі, — деп хабарлады баспасөз қызметі.

Бұған дейін Сыртқы істер министрлігі Катовицеден қанша қазақстандықтың ұшып келуді күтіп тұрғанын айтқан еді.

ҚР Сыртқы істер министрлігінің баспасөз қызметі:

Украинадан отандастарды эвакуациялау басталғаннан бері Сыртқы істер министрлігі мен Қазақстанның шетелдегі мекемелері 431 азаматты, оның ішінде Польшаға – 404 адамға, Молдоваға – 21 адамға, Венгрияға – 5, Словакиядан – 1 адамға шығуына көмек көрсетті.