Құзырлы орган кезекті фейк-ақпаратты теріске шығарды

Ақмола облысында 14 адам коронавирус жұқтырды деген ақпарат жалған болып шықты.

«WhatsApp-та Ақмола облыстық туберкулезге қарсы диспансерге коронавирус жұқтыру күдігімен 14 адам жатқызылғаны туралы ақпарат тараған болатын. Бұл ақпарат шындыққа жанаспайды», — делінген өңірлік Тауарлар мен көрсетілетін қызметтердің сапасы мен қауіпсіздігін бақылау департаментінің Facebook-парақшасында. Ведомство қызметкерлері азаматтарға расталмаған ақпаратты таратпауға шақырады. Өйткені,жалған ақпарат үшін қылмыстық және әкімшілік жауапкершілік қарастырылған. «Жалған ақпараттың авторы анықталып, жазаға тартылады. Коронавирус инфекциясына қатысты сұрақтар туындаған жағдайда ресми ақпарат көздері – ҚР Денсаулық сақтау министрлігі немесе 1406 арқылы респбликалық call-орталыққа хабарласуға болады», — деп толықтырды ведомстводан.

ҚазАқпарат