Қызылордада университет ғимаратының шатыры ұшып кетті (видео)

Қызылордада қатты желдің әсерінен «Болашақ» университетінің ескі ғимаратының шатыры ұшып кетті. Бұл туралы ҚазАқпарат хабарлады. «Төтенше оқиға Қызылорда қаласында бүгін, 24 наурыз, сағат 12:00 шамасында орын алған. Қатты желдің салдарынан Абай даңғылы №31 «А» мекен-жайда орналасқан «Болашақ» университетінің шатыры ұшқан. Оның көлемі 300шаршы метрді құрайды. Адам шығыны мен зардап шеккендер жоқ. Оқиға орнына Төтенше жағдайлар департаментінен — 12 адам, 2 техника, облыстық жұмылдыру дайындығы басқармасынан — 1 техника, 3 адам келді», — деп мәлім етті облыстық жұмылдыру дайындығы басқармасы.

https://youtu.be/OBUA17ctpmY