Қызылордада көкнәр мен қарасора өсірілген жылыжай анықталды

Ұлттық қауіпсіздік комитеті 4 ақпанда Қызылордада көкнәр мен қарасора өсірілген жылыжайды тапты. Аталмыш іске қатысы бар деген күдікпен Қызылорда қаласының 3 азаматы ұсталған, деп хабарлайды Stan.kz.

«Процессуалды шаралар нәтижесінде 24 түп апиын көкнәрі мен 2 түп қарасора тәркіленді. Олар гидропоника әдісімен өсірілген. Сонымен қатар 2 келі кептірілген марихуана табылды», – делінген ҰҚК баспасөз хабарламасында.

2022 жылдың 8 ақпанында Қарағанды облысында есірткі сатумен шұғылданған үш азамат тұтқындалған. Олардың екеуі Саран қаласының азаматтары.

«Есірткі заттары Қазақстанның оңтүстік аймақтарында өсіріліп, Нұр-Сұлтан, Қарағанды, Теміртау мен Сарань қалаларында сатылған. Қабылданған шаралардың нәтижесінде 6 келі гашиш пен 52 келі марихуана заңсыз айналымға жіберілмеді», – деп қосты ҰҚК баспасөз қызметіндегілер.

Қазір іс сотқа дейінгі бірыңғай тергеу реестріне Қылмыстық кодекстің 297-бабы 3-бөлімі бойынша тіркелді.