jasqazaq.kz

Қызылорда тұрғындарын 10 млн теңгеге алдап кеткен алаяқ ұсталды

14 желтоқсан 2022, 15:48

Қызылорда тұрғындарын 10 млн теңгеге алдаған әккі алаяқ ұсталды, деп хабарлайды Azattyq Ruhy агенттігі Polisia.kz-ке сілтеме жасап.

Алаяқтық әрекеттердің біразы мемлекеттік бағдарламамен бой көтерген жылжымайтын мүлікті кезексіз алып беремін, жұмысқа тұрғызамын, кезектен тыс жер, қайтарымсыз несие алып беремін деген желеумен жасалған іс-әрекеттер тұрғындарды сан соқтыруда. Сондықтан сала мамандары тұрғындарды айлакердің арбауына түспеуге шақырады.

«Мәселен, желтоқсан айының 9-10 күндері аралығында 8 қала тұрғыны басқарманың кезекші бөліміне алаяқтың әрекетінің құрбаны болғандығы жөнінде арызданған болатын. Жәбірленушілерден 2021 жылдан бастап мемлекеттік бағдарламамен пәтер, қайтарымсыз несие, грант алып беремін деп алдап арбау жолымен 10 миллион теңгеге жуық ақшаларын жымқырып, көзден таса болған», — дейді полиция өкілдері.

Мәні жағынан бір-біріне ұқсас деректер бойынша басқарма қызметкерлері жан-жақты тексеру жұмыстарын жүргізіп, нәтижесінде қала тұрғындарын сан соқтырған, бұрын сотты болған 37 жастағы күдікті әйел ұсталып, басқарманың уақытша ұстау изоляторына қамалды. Күдіктіге қатысты Қазақстан Республикасы Қылмыстық кодексінің 190-бабының 3-бөлігі 4-тармағымен (Алаяқтық) сотқа дейінгі тергеп-тексеру әрекеттері жүргізіліп жатыр.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр