Қазақстанға 6 қаңтардан бастап шетелдерден 488 мыңнан астам адам келді. Бұл туралы ҚР Денсаулық сақтау министрі Елжан Біртанов ОКҚ баспасөз мәслихатында мәлімдеді. «Шекарада олардың барлығының денсаулығын тексердік, қажетті анкета жиналды. Олардың арасында 175 науқас ауруханаға жатқызылып, емделіп шықты. Оларда түрлі инфекциялық-респиратуралық аурулар болғандықтан, коронавирустық инфекцияға тексеріліп, 160 адам ауруханадан шығарылды. Қазір 15 науқас емделіп жатыр. Бірақ олардан коронавирустық инфекция табылған жоқ», — деді министр. Айтуынша, осыған дейін Қытайдан келген 24 мыңнан астам адам мониторингке алынған, қазір 23 647 науқастың мониторингі шығарылды. «Қазір мониторингте әлі 789 адам бар. 14 күннен кейін жағдайларына байланысты оларды да мониторингтен шығарамыз», — Е.Біртанов.
24.kz