
Демалыс күндері Қытайдың шығыс жағалауларына келіп соғылған «Лекима» тайфунынан құрбан болғандар саны 28 адамға жетті. Бұл туралы ҚазАқпарат Xinhua агенттігіне сілтеме жасап хабарлады.
Жергілікті билік жексенбіде 20 адамның хабар-ошарсыз кеткенін де мәлімдеді. Алапат дауыл салдарынан 1,08 миллион адам қауіпсіз жерге көшірілді, Чжэцзян провинциясында 5 миллион адам зардап шеккен. «Лекима» Қытайдың шығыс жағалауына сенбі күні таңғы 1:45-те жеткен. Тайфун өзімен бірге нөсер алып келді. Юцзя уезінде толассыз жауған нөсерден су тасқыны болды. Синоптиктер бүгін алапат дауыл Шаньдун провинциясына жетеді деп болжап отыр.