jasqazaq.kz

Құс тұмауы: Етті еш қорықпастан алуға болады

13 қазан 2020, 14:29

ҚР АШМ Ветеринариялық, фитосанитариялық және тамақ қауіпсіздігі департаментінің директоры Гүлжан Нұртазина құс етін ешбір үрейсіз алуға болатынын айтты. Бұл туралы  ҚазАқпарат хабарлайды.

Орталық коммуникациялар қызметіндегі баспасөз мәслихатында құс тұмауына байланысты халық арасында құс етін алуда қорқыныш бар екендігі туралы сұрақ қойылды.

«Халық арасындағы осы үрей түсінікті. Атап айтқанда, жалпы әрі арнайы шаралар ескерілген. Жалпы шаралар аясында ауру пайда болған ошақта тиісті шешімдер қабылданып, карантин енгізіледі. Ауру жұқтырған құстар асханаға жіберілмейді. Дезинфекциялық жұмыстарға ерекше мән беріледі. Ал арнайы шараларға тоқталсақ, әр құс фабрикаларында ішкі өндірістік бақылау құрылымы болады. Ондағы өнім тиісті сараптамадан өткізіліп, соған сәйкес құс өнімдері сауда орындарына жеткізіледі. Мұнымен қоса, сауда орындарында, базарларда зертханалар өнімдерді тексереді. Осы орайда талапқа сай келетін өнімдер саудаға жіберіледі», — деп түсіндірді Г. Нұртазина.

Оның айтуынша, жұмыртқаны қайнату арқылы залалсыздандыруға болады.

Өз кезегінде «Қазақстан құс өсірушілер одағы» ЗТБ президенті Руслан Шәріпов бройлер өсіретін кәсіпорындарда ауру тіркелмегенін атап өтті. Осы орайда жұмыртқа бағытындағы екі құс фабрикасында тауықтарда құс тұмауы байқалды.

Құс тұмауына шалдыққан құс етінің адамға қауіпсіз екеніне тоқталған ол, «қар түскен кезде вирус жойылады, сондай-ақ қайнатқан кезде (құс еті мен жұмыртқаны) вирус болмайды. Біздің өнім, яғни жұмыртқа пен ет таза экологиялық бидаймен өсірілген құстан алынған өнім. Сол үшін қайнатып, пісіріп жегенде ол вирус өледі. Халыққа айтатыным, етті қорықпай жеуге болады. Сенбесеңіздер, ауырған тауықты немесе үйректі тірідей алып келіңіздер. Мен өзім сойып, қайнатып, дәм татуға дайынмын», — деді.

Бұдан бұрын хабарланғандай, елімізде 46 миллионнан астам құс басы бар. Оның ішінде құс тұмауынан келген шығын 0,9 пайызды құрады. Осы орайда 7 облыстың 78 елді мекенінде карантин енгізілді.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия