ҚазАқпарат хабарлағандай, Ғалия Жұмағұловаға 128 млн теңгені жымқырды деген айып тағылған болатын. «Судья Ғалия Жұмағұлованы айыпты деп тауып, 8 жылға бас бостандығынан айыру туралы үкім шығарды. Сонымен қатар, оған материалдық жауапкершілігі бар лауазымдарға орналасуға 10 жылға тыйым салынды. Сотталушының кәмелеттік жасқа толмаған баласы барына байланысты жазасын өтеу мерзімі 5 жылға кейінге шегерілді», — деді Алмалы аудандық сотының баспасөз қызметінен. Іс материалдарына сәйкес, Ғ.Жұмағұлова Құрманғазы атындағы Қазақ Ұлттық консерваториясына 127 994 593 теңге көлемінде материалдық шығын келтірген.