
Атырау облысында ҰҚК, прокуратура және полиция қызметкерлері спортшылар мен деструктивті діни ағымды ұстанушылардан құралған ұйымдасқан қылмыстық топты құрықтады. Бұл туралы ҰҚК баспасөз қызметіне сілтеме жасап Tengrinews.kz хабарлайды.
5 шілдеде ҰҚТ-ның 4 белсенді мүшесі ұсталды. Олардың және жақын таныстарының тұрғылықты жерлерінен 3 әртүрлі қару мен оқ-дәрілер, сондай-ақ олардың қылмыстық әрекеттерін растайтын материалдар (чектер, журналдар, банк карточкалары) табылып, тәрікіленді.
ҰҚК баспасөз қызметінің мәліметі бойынша, топ мүшелері ұзақ уақыт бойы бағдарлық такси жүргізушілерінен («Атырау-Орал-Атырау»), оның ішінде күш қолдану арқылы қорқытып, ақшалай қаражат бопсалап отырған.
Осы факт бойынша ҚР ҚК-ның 194-бабының 2-бөлігі («Бопсалау») бойынша соталды тергеу басталған. Топ жетекшісі тергеу изоляторына қамалып, қалғандары ешқайда кетпеу туралы міндеттеме алған.
Жедел-тергеу шаралары жалғасып жатыр.