Қылқалам құдіреті

Артем Минин Алматыдағы өнер училищесін бітірген. Бала кезден кәсіби суретші болуды армандаған. Өткен аптада Артем галереясы мен жеке көрмесінің тұсауы кесілді. Онда суретшінің 120 туындысы қойылған. Суреттері бір-біріне ұқсамайды, әр түрлі жанрда салынған.

Артем Минин: «Университет бітіргеннен кейін, өз мамандығыммен жұмыс істедім. Алайда Кеңес одағы ыдыраған соң, басқа салада жұмыс істеуге тура келді. Он жылдық үзілістен кейін, бес жылдай тоқтаусыз бейнелеу өнеріне бас қойдым. Ұзақ уақыт сурет салмаған соң, неден бастарымды, қалай саларымды білмедім.

Менің түсінгенім, көрмені кез келген адам аша алады. Бірақ суретші болу әркімнің қолынан келмейді. Әр суретші бұл салаға түрлі жолмен келеді. Ұзақ уақыт сурет салмаған соң, кейбір техникаларды еске түсіруге тура келді. Араға біраз уақыт салып, ақыры өз стилімді таптым. Қылқалам құдіреті деген осы екен» — деп ағынан жарылды.

Тоғжан Әбдеш,
Бақытжан Аманболқызы,

Абылай хан атындағы ҚазҚХ және ӘТУ студенттері