
Қостанай қаласының «Тәуелсіздікке — 25 жыл» саябағында қатты желдің екпінінен батут аударылыды. Бұл туралы облыстық ТЖД баспасөз хатшысы Уәлихан Досановқа сілтеме жасап ҚазАқпарат хабарлады.
Оқиға 31 мамыр күні кешкі сағат 21:30 шамасында Гашек көшесіндегі саябақта болған. «Ұзындығы — 8 метр, биіктігі — 3 метр болатын «Тәуелсіздікке — 25 жыл» саябағындағы үлкен батут 10-12 адамға шақталған. Жылдамдығы секундына 17-18 метрге жететін күшті жел батутты аударып тастады. Жел тұрған кезде иелері батут ішіндегі желді шығармақ болған, алайда үлгерген жоқ», — дейді У.Досанов. Оның айтуынша, батут құлаған кезде зардап шеккендер болған жоқ.
https://youtu.be/WrvDE0lUWIg