jasqazaq.kz

Қостанайда қос қабатты үй өртеніп, екі адам тірідей жанып кетті

06 маусым 2022, 17:43

Қостанай қаласында 6 маусымға қараған түні Абай даңғылындағы екі қабатты үй өртеніп кетті. Оқиға орнына жеткен өрт сөндірушілер екі ер адамның денесін тапты, деп хабарлайды Azattyq Ruhy.

Марқұмдардың көршілері өрттің түн ортасы шамасында басталғанын айтты. Өрт сөндірушілер келгенше жалын бүкіл үйге жайылып, 250 шаршы метр аумақты шарпыған. Сонымен қатар көршілес екі қабатты жеке тұрғын үйдің шатыры мен тіреуіштері де жартылай жанып кеткен.

Облыстық ТЖД мәліметінше, өртті 01:15-те оқшаулау мүмкін болды. 02:26-да толығымен өшірілген. Өрт болған жерден 1972 және 1984 жылы туған екі ер адамның мәйіті табылды.

«Қазір арнайы мамандар оқиғаның мән-жайын анықтап жатыр. Өрттің шығу себебі анықталуда. Төтенше жағдайды жоюға Қостанай қаласының өрт сөндіру бөлімшелерінің 34 қызметкері мен 11 техникасы жұмылдырылды. Өрт сөндірушілерге көмектесу үшін қаланың коммуналдық қызметтері мен «Қазақстан темір жолы» кәсіпорны үздіксіз сумен қамтамасыз ету үшін техника берді», — деп хабарлады Қостанай облысы ТЖД баспасөз қызметі.

ТЖД өкілдері 2021 жылғы 5 наурызда жеке тұрғын үй секторындағы өрттердің алдын алу бойынша халықпен профилактикалық жұмыс жүргізу барысында рейд ұйымдастырған. Сол кезде аталған мекенжайда тұратын тұрғындарға нұсқаулық беріліп, жадынамалар табыс етілген.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр