Қостанайда ағасы қарындасының басын кесіп алды

27 сәуiр 2018, 14:50

Тұрмыстық жанжал кезінде ағасы немере қарындасын аяусыз өлтірген Қостанай облысы Славенка ауылындағы жантүршігерлік қылмыс бойынша іс сотқа жіберілді.

Қылмыс 2017 жылдың 24 желтоқсанында болған. Бір отбасы мүшелері бірігіп ішімдік ішіп отырып, артынша жанжал туындаған екен. Сот мәліметі бойынша, 29 жастағы айыпталушы, оның әкесі мен келген қонақ үйде ішімдік ішіп отырады. Кейін оларға сол үйде уақытша тұрып жатқан сотталушының немере қарындасы қосылған. «Сотталушы мен қарындасы ұрысысып қалып, ер адам әйелдің кеудесіне алты рет пышақ салған. Әрі қарай бауыздап, басын кесіп алған», — делінген сот хабарламасында. Іс бойынша бастапқы тыңдау күні әлі белгіленген жоқ.

sputniknews.kz