jasqazaq.kz

Қостанай облысында ұлы ауру әкесін жедел жәрдем көлігіне дейін өзі сүйреп барған

14 наурыз 2021, 15:04

Қостанай облысында қатты боран салдарынан жолдар жабылып, жедел жәрдем уланып қалған науқасқа жете алмаған. Науқас жедел жәрдемге жаяу баруға мәжбүр болды. Бұл туралы Қазақпарат хабарлады.

Оқиға 11 наурызда Арқалық маңындағы Родинский ауылдық округінде болған. Олимпийский ауылына шұғыл қоңырауға бара жатқан жедел жәрдем ауруханаға шұғыл жатқызуды қажет ететін науқасқа жете алмады. Жедел жәрдем көлігіне науқас өз бетімен жетуге мәжбүр болды. Жедел жәрдемге тезірек жеткізу үшін ұлы науқасты 200 метрдей жаяу сүйреген. Бұл факт туралы облыстық денсаулық сақтау басқармасында түсініктеме берілді.

«Екінші санаттағы шұғыл шақыру тобы Родина ауылынан келді. Науқас 46 жаста, улы затпен уланған. Ер адам бөтелкедегі суды улы затпен шатастырып, байқаусыздар ішіп алған. Жедел жәрдем жағдайдың ауыр екенін ескеріп, науқастың көлікке өз бетімен келуі керек екенін айтқан», — деді облыстық денсаулық сақтау басқармасының баспасөз хатшысы Ксения Жылқыбаева.

Арқалық қаласының әкімі Қайрат Әбішев тазартылмаған жолдардың жағдайын түсіндіріп, жауап берді.

«Бірнеше күнге созылған ұзақ жауған қар мен дауылдың салдарынан Родина селосының құрамына кіретін Олимпийский кентін қоса алғанда, Родина кентінің жолдары мен жүру бөлімдері жабылды. Жолдарды тазартуды коммуналдық қызметтер жүргізгенімен, түн ішінде олар қайтадан қар астында қалды. Бірінші кезекте автобус маршруттарының жүруіне арналған жолдар тазартылды. Ауа-райы жағдайлары көлік қозғалысы үшін, әсіресе Олимпийский елді мекені бағытында белгілі бір қиындықтар тудырды. Қазіргі уақытта жолдар тазартылып, қозғалыс барлық бағытта қалпына келтірілді», — деп түсіндірді әкім.

Уланған науқас ауруханаға ауыр жағдайда түскен, ол бір тәулікке жуық жансақтау бөлімінде болған. Қажетті емдеу шаралары жүргізіліп датыр. Қазіргі уақытта ол терапия бөліміне ауыстырылды.

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия