Қостанай облысында ауыл шаруашылығына бөлінген субсидияны жымқырғандар сотталды

Қостанай облысында ауыл шаруашылығы субсидиялары түріндегі бюджеттік ақша қаражатын жымқыру фактісі бойынша қылмыстық іс аяқталды, деп хабарлайды Azattyq Ruhy.

«Кінәлілерге алты жыл мерзімге коммерциялық және мемлекеттік ұйымдарда материалдық-жауапты және басшы лауазымдарды атқаруға байланысты қызметпен айналысу құқығынан айыра отырып, 5 жыл бас бостандығынан айыру түріндегі жаза тағайындалған»,-деп мәлімдеді ҚР Қаржылық мониторинг агенттігі.

Кінәлілерге бас бостандығынан айыру түріндегі жазаны өтеу орташа қауіпсіз қылмыстық-атқару жүйесі мекемесінде тағайындалды.