
Қостанай облысы Торғай ауылында үйде болған өрттің салдарынан төрт адам, оның ішінде екі нәресте қаза болды.
Өрт шыққан үйде он адамнан тұратын отбасы тұрды — бес ересек пен бес бала, деп хабарлайды Qostanai.media.
Өрт 15 желтоқсанда кешке, отбасы кешкі асқа отырғанда орын алды. Өрт басталғаннан 20 минуттан кейін шатыры құлады.
33 жастағы ер адам мен 22 жастағы әйел күйікпен ауруханаға түсті. Олардың денесінің 45 және 40 пайызын күйік шалды
Арқалық ауруханасында 2009, 2011 және 2014 жылы туған балалар екінші дәрежелі күйікпен жатыр.
Өрт болған жерден 1938 және 1985 жылы туылған әйелдердің денелері табылды. Екі бала да қайтыс болды — олар бір жасқа толмаған ұл мен қыз бала.
Өрт басталған кезде отбасы мүшелерінің бірі жұмыста болған. Ол оқиға туралы кейінірек білді.
Өрттің шығу себебін Қостанай облысы төтенше жағдайлар департаментінің мамандары тексеруде.