jasqazaq.kz

Қосанов парламентте не айтты?

10 қыркүйек 2019, 17:26

Бүгін парламент мәжілісінде әкімшілік рәсімдік-процестік кодексінің жобасы таныстырылды. Сол жерде қоғам белсендісі Әміржан Қосанов митингтер мәселесін көтерді. Бұл туралы Sputnik Қазақстан хабарлады.

Оның айтуынша, бүгінде заң үстемдігі бар, ал құқық үстемдігі жоқ. Сол сияқты Конституцияда митинг өткізуге құқық берілген. Алайда оны заңмен шектеп тастаған.

«Кеше президент Тоқаевтың өзі митингілер туралы заңдарды өзгерту туралы айтты. Бірақ ол заңнама қандай болады деп күтіп отырмыз. Тағы да баяғы сарынға салынып, әкімшіліктің табалдырығын тоздырып, қаланың шетіндегі түкке тұрмайтын алаңға барып, митинг ұйымдастырамыз ба? Жоқ, әлде өркениетті мемлекеттегідей орталық саябақтарда өткіземіз бе?», — деді Қосанов.

Осы сұраққа әділет вице-министрі Наталья Пан жауап берді. Оның сөзіне қарағанда, митингілер туралы заң жобасын әзірлеу туралы нақты тапсырма бар. Қазіргі кезде осы құжатты қай мемлекеттік орган әзірлейтіні талқыланып жатыр.

«Бұл заңды әзірлеуге ақпарат және қоғамдық даму министрлігі жауапты болуы тиіс деп ойлаймыз. Заң жобасы 2019 жылдың желтоқсан айына дейін әзірленеді. Өзгерістер мен толықтырулар әзірленеді. Соның бәрі парламентте таныстыралады», — деді Пан.

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда