
Желіде үйіліп жатқан снарядтардың видео тарады. Қорғаныс министрлігі Арыс қаласында үйіліп жатқан оқ-дәрілердің видеосына қатысты түсініктеме берді.
Министрлік мәлімдегендей, видеодағы снарядтардың қалдығы тұрғындарға қауіп төндірмейді.
«Оқ-дәрі қалдықтары жарылмайды. Олар әскери қару-жарақ қалдықтары жойылатын жерде, территория қорғауға алынған. Бұл жердегі оқ-дәрілер қауіпті емес», — деп сендірді қорғаныс министрлігі.
Қорғаныс ведомствосы бұл жайтқа қатысты қызметтік тексерісті қолға алыпты, себебі қорғауға алынған нысан видеоға түсірілген.
Қазір Арыста оқ-дәріден тазарту жұмыстары жүріп жатыр. Қала тұрғындарына оқ-дәрілерді жою кезінде жарылыс үні естілетіні ескертіліп, тиісті мәлімет берілген.
Посмотреть эту публикацию в Instagram