Қоқыстан ер адамның денесі табылды

12 ақпан 2021, 14:44

Қоқыс үйіндісінің астында қалып қалған ер адамның денесін құтқарушы қызметкерлері алып шықты.

Алматы қаласы құтқару қызметінің баспасөз қызметі 11 ақпанда сағат 14:50-де кезекшінің шұғыл басқару пультіне көмек сұраған адамнан қоңырау келіп түскенін хабарлады.

«Алатау ауданында орналасқан «Кенжехан» базарының артында тазалаумен айналысатын ер азамат қоқыс үйіндісінің астында қалып қалғандығы туралы хабарлама келіп түскен. Құтқару қызметіне қоңырау келіп түскеннен кейін шұғыл түрде 12 адамнан жасақталған құрам дереу оқиға болған орынға жұмылдырылды», — деп хабарлады құтқару қызметі.

Өкінішке қарай, ер адамның өмірін сақтап қалу мүмкін болмады. Құтқарушылар қоқыс үйіндісінен оның денесін алып шықты.

Stan.kz