Қоқыс полигонындағы өртті 2 тікұшақ сөндіруде

ІІМ ТЖК Алматы маңындағы қоқыс полигонындағы өртті сөндіру жұмыстары туралы айтты, деп хабарлайды ҚазАқпарат.

Күні кеше ҚР ІІМ Төтенше жағдайлар комитетінің төрағасы Владимир Беккер қоқыс полигонындағы өртті сөндіруге авиатехниканың көмектесе алмайтынын айтқан еді. Алайда тілсіз жау туындатқан мәселені жүйелі шешу үшін бүгін көкке екі тікұшақтың көтерілгені белгілілі болды. «Алматы маңында қоқыс полигонындағы өртті сөндіру жұмыстарына қазіргі уқаытта автоцистерналар, су тасушы техникалар мен арнайы техникалар жұмылдырылуда. Сөндіру жұмыстары 17 мамыр күні сағат 03.00-ке дейін созылып, 3 сағаттан кейін қайтадан (сағат 06.00-да) жалғасты», — деп хабарлайды ТЖК баспасөз қызметінен. Қазіргі уақытта тұтанған аумақты периметрі бойынша сумен сөндіру және топырақпен жабу жұмыстары жүргізілуде. Сағат 07.00-ден бастап екі тікұшақ 30 рет көкке көтеріліп, 90 текше метр су шашқан. Сонымен бірге, жағдайды бақылауда ұстау үшін Матрица-600 квадрокоптері қолданылуда.