jasqazaq.kz

Қисынсыз айып

04 тамыз 2020, 16:21

Ақтауда Батыс Қазақстан облысы полиция департаментінің бұрынғы бастығы, ішкі істер министрлігінің генерал-майоры Мақсұтхан Әбіләзимов пен кәсіпкер Бахаридин Әбіләзимовтың анасы Бибіжамал Әбіләзімова қайтыс болған еді.

Жаназаға жиналғандар карантин тәртібін бұзбаған. Тіпті, қаралы жиынға аралық сақтап, маска тағып қатысқан. Оның барлық видеосы әлеуметтік желіде таралып жүр. Бірақ жаназадан кейін, марқұмның жақындарына жергілікті полиция департаменті айыппұл салыпты.

Оған көнбеген ақтаулықтар полиция департаментінің басшысы мен бас санитардың қызметінен кетуін талап етуде.
Себебі, карантин талаптарын сақтаған. Бұл – бір. Екіншіден, жиналғандар марқұмға бөтен адамдар емес. Яғни Бибіжамал Әбіләзімованың балалары. Әрине, бір адамның жүзден артық баласы болмайтыны анық.

Марқұм көзі тірісінде жетімдер үйін ашып, қаншама панасыз сәби мен қорғансыз балаларға анасындай қамқорлық жасаған әзиз жан болыпты. Анасы өмірден озғанда балаларының топырақ салуға келуі, марқұмды ақтық сапарға шығарып салуы заңдылық.

Ал осыны түсінбей, «шаш ал десе бас алған» жергілікті атқарушы мекемелердің ісі – қалай айтсаңыз да қисынсыз сияқты.
Мұндайда тәртіппен бірге кісілік көрсетіп, адамгершілік қасиет таныту да абзал. Өйткені, кез келген заң талаптарының негізгі мақсаты кісілік, адамгершілік қасиет емес пе?

Онда Ақтаудағы аналарының жаназасына жиналған балаларының әрекетін қалайша заңға томпақ деуге болады? Осындайда, кейбір әділетсіздіктерге көз жұма қарайтын «закон күші» барлардың үкіміне таңдана қарайды екенсің?!

 

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия