ҚазҰУ-дың жаңа студенттер үйінің алғашқы тасын қалау рәсімі

Астана күні қарсаңында және 5 әлеуметтік бастаманы жүзеге асыру аясында Алматыда әл-Фараби атындағы ҚазҰУ-да 1250 орындық жайлылығы жоғары жаңа Студенттер үйінің негізін қалау рәсімі өтеді.

Жалпы көлемі 22,5 мың шаршы метрді құрайтын тоғыз қабатты ғимаратта асхана, компьютерлік сыныптар, демалыс орындары, мәдени-тұрмыстық нысандар болады. Студенттер әжетхана мен себезгісі бар екі орынды бөлмеде тұратын болады.
Іс-шараға университет басшылығы, Алматы қаласы әкімшілігі, инвестор мен құрылыс компанияларының және қоғам өкілдері қатысады.

Шараның өткізілетін күні, орны және уақыты: 2020 жылғы 1-шілде, Жас ғалымдар үйінің жанындағы алаң, басталуы сағат 11.00-де.

әл-Фараби атындағы ҚазҰУ Баспасөз қызметі