
Қазақстандықтар 2019 жылдың жеті айы ішінде пошта және қаржы қызметтері үшін онлайн түрде 4 миллиард 281 миллион теңге төледі. Бұл көрсеткіш өткен жылмен салыстырғанда 12 пайызға артқан.
«Соңғы жылдарғы тренд — пошта бөлімшелерінен гөрі, қызметтерді алып, оларға тапсырыс беріп ақысын төлеу сервистік портал және оның мобильдік қосымшасы арқылы өтуде», — дейді Дилара Зарлықова, «Қазпошта» АҚ жарнама және PR департаментінің директоры.
Қазақстандықтардың арасындағы онлайн төленетін ең көп сұрансықа ие пошталық қызметтердің ішінде — курьерді үйге шақыру, поштаны жеткізу мекен-жайын өзгерту, сәлемдемені поштаматқа жіберу және гибридті электрондық пошта. Ең танымалды қаржы қызметтері – топтамалы ақша аударымдары, реквизиттер бойынша төлемдер, картадан картаға немесе картадан қолға ақша аудару.
Пошта қызметтерін онлайн түрде ең жиі алатын Нұр-Сұлтан, Алматы, Шымкент, Қарағанды, Тараз және Жезқазған қалаларының тұрғындары.
Сервистік портал және оның Post.kz мобильдік қосымшасы — толық «онлайн бөлімше» деуге болады. Онда 30 қызмет түріне тапсырыс беріп, төлем жасай аласыз. Post.kz арқылы алынған бір қызметтің орташа чегі — 4 мың теңге. Күн сайын портал арқылы 5 мыңнан астам онлайн-операция жасалады. Сонымен бірге, порталға күніне ең аз дегенде- 40 мың, ең көбі — 70 мыңнан астам адам кіреді. Порталда тіркелген интернет-пошта қызметтерін тұрақты түрде қолданатын пайдаланушылардың жалпы саны — 712 мың 910 адам. Барлық қызметтер жеке кабинетте қол жетімді, бұл қызметтерді алу процесін айтарлықтай жеңілдетеді.
«Бүгін Post.kz – Қазпоштаның басқа жобаларымен қатар, бізді цифрлық болашаққа жақындататын Қазақстандағы бірегей платформа. Сондықтан да, біз 2019 жылдың тамызында «онлайн-бөлімшемізге» рестайлинг жасадық. Басты мақсат — оны Қазпошта қызметтерін онлайн түрде тез алатындай ыңғайлы ету. Жаңартылған Post.kz қазір тест режимінде жұмыс істеуде және клиенттердің пікірлері мен тілектерін белсенді қабылдауда», — деді Дилара Зарлықова.
«Қазпошта» АҚ баспасөз қызметі