Қазақстанның Ресейдегі елшісі тағайындалды

Ермек Беделбайұлы Көшербаев Қазақстанның Ресейдегі елшісі болып тағайындалды. Бұл туралы Ақорда сайтында хабарланды. «Ермек Беделбайұлы Көшербаев Қазақстан Республикасының Ресей Федерациясындағы Төтенше және Өкілетті Елшісі қызметіне тағайындалсын», — делінген Жарлықта. Мемлекет басшысының Өкімімен Ермек Беделбайұлы Көшербаев Қазақстан Республикасы Сыртқы істер министрінің орынбасары қызметінен босатылды. Ермек Көшербаев Алматыда дүниеге келген. 1993 жылы КСРО СІМ Дипломатиялық академиясын, 1998 жылы Киров атындағы Қазақ мемлекеттік университетін «Тарих» мамандығы бойынша бітірген. Әр жылдары Ермек Көшербаев Қазақ КСР СІМ-де, Қазақстан Президенті Әкімшілігінде, ел Үкіметінде, Сыртқы істер министрлігінде, «Нұр Отан» ХДП-да, «ҚазМұнайГаз» ҰК АҚ-да әртүрлі лауазымдард атқарды, сондай-ақ «Ертіс «ӘКК»ҰК АҚ-да басшы болды. Сондай-ақ Шығыс Қазақстан облысы әкімінің бірінші орынбасары, Сыртқы істер министрлігінің Жауапты хатшысы болды.